Исторический форум: история России, всемирная история

Слово Тактамышєво. къ Королеви. Польскому. Вѣдомо даємъ. нашему бра(т)  ажь єсмь  сѣлъ. на столѣ вєликого. цр̃ства. коли єсмь пєрвое сѣлъ на цр̃ьскомъ  столѣ. тогда єсмь. послальбылъ квамъ Асана и̏  Котлубугу. вамъ дати вѣданиє. и̏ наши посли нашли вас под городомъ под Троки стоѧчи . вы па(к) послали є  єсте кнамъ посла вашєго. Литвина. на и̏мѧ Невои̏ста. Оу другомъ пакъ лѣтѣ. стала межи на(с) замѧтнѧ. нашь плємєньни(к)  Бекбула(т)ъ  ѝ Хо(ч)жа  Мєдинъ оучинилсѧ намъ ворогъ. и̏ оуста(ли) на на(с). и̏ ѣще к тымъ. Бекгичь. и Турдучакъ. Берди. Давыдъ Тикнѧ. головниѝ. мои̏. были слуги. и̏ тии̏ стали намъ ворогъ. и̏ оу мене служачє. и̏ почали коромолити на мене. послалисѧ. ω̏дного на и̏мѧ. Идикгиѧ до Аксакъ Темирѧ. на мене ли(хо)го мыслѧчє. По тыхъ посланию. по Идикгиєву посольству. вышолъ на мене Аксакъ-Темирь. Желѣзнаѧ нога. ω(т) Чорного Пѣска. Тогда Аксакъ. пришолъ. такъ таи̏но на насъ. аже не было намъ никакоѣ вѣсти̏ а ни слова. алижь о(у)зрѣли єсмо єго оу нашои̏ державѣ мы па(к) поспѣли єсмо и̏спрѧтати всєѣ силы нашєѣ. толко што ωколо на(с) нашь дворъ. єсть и̏ с тыми стали єсмо противъ того Аксака. Тъи̏ и̏сный Бекбулатъ. нашь ворогъ. насъ выдалъ и̏ побѣглъ ω(т) насъ. Коли тои̏ лихии̏ Бекбула(т). побѣглъ тогда вси люди всѧ рать. на бѣгъ привернулисѧ. То дѣло потолѣ стало. Бъ̃ насъ пожаловалъ ω̏пѧ(т). наши неприѧтели вор(о)зи. далъ намъ всихъ оу наши руки. Мы и̏хъ сказнили 28. такъ. што ω̏пѧтъ 29 не будуть намъ пакостити. Нынѣ послалъ єсмь к вамъ. слуги наши. Асана и̏ Тулу ω̏чжю. то повѣдати вамъ нашему брату. абы то вѣдали вы што(а) межи твоєѣ землѣ. суть кнѧ(ж)ниѧ  волости. давали выходъ Бѣлои̏ ω̏рдѣ. то намъ наше даи̏те а што будеть вашеѣ державы под нами. а мы за то не стои̏мъ вамъ. и̏щите своєго а мы вамъ дамо. А и̏ ѣще што было межи насъ какъ здавна. гостемъ путь чистъ. и̏ вашимъ и̏ нашимъ торговцемъ. безъ прии̏мъ без пакости. всѧкому чл̃вку. и̏ чорнымъ людемъ промъслъ. На то все послали єсмо. сеи̏ нашь ѧрлыкъ. и̏ с нашею печатью золотою. абы то крѣпко было. А тои̏ ѧрлыкъ писано оу ω̏рдѣ на оустьи̏ Дону. курѧчего лѣта. а мѣсѧцѧ. и̏речипа. ❙ Какъ ω̏тц̃ь  нашь какъ ω̏ц̃и ваши. были заω̏дно. послы сылали межи собою. а мы такоже хочемъ с вами быти. Аже будеть ва(м) надобѣ помочь на кого на ворога вашего. ѧзъ самъ єсмь готовъ за того тобѣ на помочь всею моєю силою. а толко вѣсть намъ даи̏те. А коли па(к) потомъ коли намъ бы надобѣ вы намъ таковиже будте.